BE.234 Logu no.32
O JESUS TATAP MA TUSON

Ayat 1
Di rumang ni portibi on Sai tong do lilu rohangkon
Hujujur hatigoranki Hupangasahon burjungki

Ayat 2
Dung na hutatap Tuhanki Hutanda hahuranganki
Lam tu balgana i antong Ai lam huboto dangolhon.

Ayat 3
Hurangan au di sasude Sipangasahononhon i
Na so barani rohangkon Manaringoti diringkon.

Ayat 4
Na gabe tunduk nama au Tu Tuhan Jesus do au lao
Naung mate Ho di Golgata PadoMu au tu Debata.

Ayat 5
Di tingki ni Tuhanta i Do songgop hatiuron i
Mulai mauas rohangkon Tarsunggul do hot rohangkon

Ayat 6
Huhalungunhon Hata ni Tuhanku Sipangolu i
Na hubege sai hutohoi Mardongan Tuhan huoloi.

Ayat 7
Haimbaruon do soluk Tu halumlamon na so tuk
Mardame do huhilala Dibaen Jesusku, Debata.

Ayat 8
Jesusku hatigoranki Sasada Ho paheanki
Saleleng au di tano on Nang dung marujung ngolungkon.

Ayat 9
Ndang na tarhirim au disi Saleleng ni lelengna i
Asal ngolungkon situtu Tung Ho, Tuhanku na burju.
